რეგისტრაცია რეპეტიტორებისთვის / პაროლის აღდგენა
8 თებერვალს საერთაშორისო საზოგადოება „უსაფრთხო ინტერნეტის დღეს“ (Safer Internet Day — SID) აღნიშნავს

09/02/2022

ეროვნული კიბერუსაფრთხოების ასოციაციის დავმჯდომარემ უსაფრთხო ინტერნეტის საერთაშორისო დღისადმი მიძღვნილ ღონისძიებაში მიიღო მონაწილეობა.

8 თებერვალს საერთაშორისო საზოგადოება „უსაფრთხო ინტერნეტის დღეს“ (Safer Internet Day — SID) აღნიშნავს. ამ ყოველწლიურ გლობალურ ინიციატივას ეკონომიკისა და მდგრადი განვითარების სამინისტროს ორგანიზებით დაგეგმილი ღონისძიებებით, ტრადიციულად, საქართველოც შეუერთდა.

ეროვნული კიბერუსაფრთხოების ასოციაცია აღნიშნულ დღესთან დაკავშირებით დაგეგმილ ღონისძიებებში პირველად ჩაერთო. ასოციაციის თავმჯდომარე ნიკოლოზ გაგნიძემ მონაწილეობა მიიღო ონლაინ კონფერენციაში, რომელიც ბავშვებისა და ახალგაზრდებისთვის უსაფრთხო ინტერნეტგარემოს განვითარების ხელშეწყობას ეძღვნებოდა და დამსწრე საზოგადოებას სიტყვით მიმართა. გამოსვლისას ნიკოლოზ გაგნიძემ ეროვნული კიბერისაფრთღხოების ასოციაციის შესახებ პრეზენტაცია გააკეთა და ისაუბრა ასოციაციის მიზნებსა და დაგეგმილ აქტივობებზე.

ნიკოლოზ გაგნიძე

„ვფიქრობ, ძალიან მნიშვნელოვანია, რომ უსაფრთხო ინტერნეტისადმი მიძღვნილი საერთაშორისო დღეს საქართველო უკვე რამდენიმე წელია აქტიურად აღნიშნავს. ევროკომისია აქტიურად უჭერს მხარს ამ პროექტს, ჩვენ კი, როგორც გლობალური ინტერნეტუსაფრთხოების ნაწილი, აქტიურად უნდა ვიყოთ წარმოჩენილი ამ ასპარეზზე, ვინაიდან საქართველოში ბევრი პროექტი და ინიციატივა გვაქვს, რომელიც ინტერნეტუსაფრთხოებას უკავშირდება. კიბერუსაფრთხოების წილი ამ მიმართულებით კრიტიკულად მნიშვნელოვანია, ვინაიდან ინტერნეტი და, ზოგადად, კიბერსივრცე წარმოუდგენელია უსაფრთხოების შესაბამისი პლატფორმების გარეშე“, — ნიკოლოზ გაგნიძე, ეროვნული კიბერუსაფრთხოების ასოციაციის თავმჯდომარე.

„უსაფრთხო ინტერნეტის დღე“ 2005 წლიდან ყოველ თებერვალს აღინიშნება “ინსეიფ/ინჰოუპ” (Insafe/INHOPE) ერთობლივი ქსელის ორგანიზებით და ევროკომისიის მხარდაჭერით. ის წარმოადგენს გლობალურ მოძრაობას, რომელიც ეძღვნება უსაფრთხო ინტერნეტგარემოს შექმნას, განსაკუთრებით ბავშვების, მათი მშობლებისა და პედაგოგებისთვის. „უსაფრთხო ინტერნეტის დღის“ მიზანია უსაფრთხო და უკეთესი ინტერნეტსივრცის შექმნა და ინტერნეტში უსაფრთხოების საკითხების შესახებ ინფორმირებულობისა და „ციფრული წიგნიერების“ დონის ამაღლების ხელშეწყობა.

   
სიახლეები
8 თებერვალს საერთაშორისო საზოგადოება „უსაფრთხო ინტერნეტის დღეს“ (Safer Internet Day — SID) აღნიშნავს
ეროვნული კიბერუსაფრთხოების ასოციაციის დავმჯდომარემ უსაფრთხო ინტერნეტის საერთაშორისო დღისადმი მიძღვნილ ...
გადაცემა "ჩვენი დრო" - საერთაშორისო სიმპოზიუმი/International Symposium
  ...
საჯარო ლექცია: “Prosopagnosia – When People Don’t Recognize Friends by Faces”.
  ...
ყველა სიახლე »